مبدأ الإنسان
القواعد التي يضعها الانسان لنفسه للسير بحياته وفق فهمه للحياة وهي مبادئ يضعها وفق تجربته الشخصيه.
انا على سبيل المثال ما بحب كتر الحكي وما بحب بيع حكي وما بحب اخد تعب غيري وما بحب يكون كلامي (صف حكي) وبكره الكذب ويلي بيكذبوا وصادق بعلاقاتي ومواقفي واضحه لاصدقائي واعدائي وما بحب مسح جوخ لحدا يعني يلي بحبو بقلو بحبك ويلي بكرهو ما بتعامل معو ومو شرط تحب كل الناس كل واحد الو طبع وعادات مو شرط تحبا.
بسامح يلي بيستاهلو المسامحه ومستعد انتقم لو بعد 20 سنه من يلي بيستاهل يتحاسب وعندي ايمان مطلق بالدنيا ودورانها واخر همي كلام الناس يعني اخر شي بفكر فيه هوي شو حكو الناس وبساوي يلي بدي ياه قدام الكل بدون تردد او خجل والنجاح او الاخفاق يا قدرمكتوب يا تقصير مني.
لما حب بحب من قلبي وما بحب برر أبداً ما بحط حالي بموقف دفاع أبداً لان يلي بيحبك بيقدر ظروفك بيفهمك والاهم ما بيشك فيك وبنيتك وبمشاعرك مهما صار ومهما غبت . ممكن يكون في كتير كلام ينقال بس أنا ما بقولو لانو لازم ينفهم بدل ما ينقال .
ظروف الحياة : مواقف بتحطنا فيها الحياة وهون ممكن تقصر بواجباتك وعلاقاتك الاجتماعيه في سبيل مستقبل افضل وهاد ما بيعني انك ترجع عن مبدئك لان الجوهر واحد والنيه واحده والزمن ما بينطرك ولا بينطر غيرك.
هي المبادئ تعلمت احترمها قبل ما اتبعها وهيك بتكون قادر تاخد قرار بأي قضيه بدل ما تتصرف متل ما بيتصرف القطيع. (يعني مو كل الناس بياخدو نفس الافكار والثقافه)
ومشان ما يكون بوست بحكي فيه عن نفسي وغالبا بتسالو ليش بكتب هيك حكي ( في ناس ما بتفهم بالسمع ممكن تستفيد من الكتابه) والله اعلم ما في القلوب.
لهيك رح نحكي عن الطاويه ونقدم معلومه حلوه
ما يُفهم وكأنه يجلب الحظ قد لا يكون كذلك في بعض الأحيان. وفي المقابل، يمكن لإخفاقات بائسة أن تتحول إلى أفضل ما حدث لنا.
كنت ممتنّاً لمرتين على الأقل لعمل لم أحصل عليه، لأن فرصاً أخرى أفضل أتتني لاحقاً. هذه القصة تعينني بوجه خاص عندما يبدو أمر ما وكأنه سيكون ضاراً لي، بينما لم أكن قد رأيت وجهه الفضي الباهر، أو جانبه النافع.
دائماً يلي بيحكي عليك بضهرك هو أجبن من انو يوقف بوشك ويحكي هاد الكلام لهيك كلام الناس اخر شي لازم تفكر فيه يا صديقي هنن خليهن عم يتطلعوا ويحكوا وانت خلي عينك ع هدفك
